Mae Canolfan y Celfyddydau yng nghanol campws Penglais Prifysgol Aberystwyth. Pan ewch tuag at Aberystwyth ar y ffordd fe welwch arwyddion yn eich cyfeirio at Brifysgol Aberystwyth; bydd y rhain yn eich arwain at Gampws Penglais (oddi ar yr A487). Cadwch lygad am yr arwyddion sgwâr melyn llachar sy’n cynnwys llun o fwrdd morter (cap academaidd). Cyfeirnod y grid ar gyfer defnyddwyr sat nav yw: 52.417739, -4.065292.
Gellir cyrraedd safle’r Ŵyl yng Nghanolfan y Celfyddydau ar Fryn Penglais ar droed o’r orsaf rheilffordd neu fysiau. Mae’n daith gerdded 20 munud i fyny’r allt ond mae tacsis y tu allan i’r orsaf reilffordd a bysiau sy’n mynd heibio’r ganolfan; mae amserlenni yma: http://www.aber.ac.uk/cy/maps-travel/bus
Trafnidiaeth Gyhoeddus
Os ydych chi’n teithio i Aberystwyth ar y trên, rydyn ni’n cynghori eich bod chi’n gwirio’r amserlen ymlaen llaw i sicrhau nad ydych chi’n colli unrhyw un o ddigwyddiadau’r ŵyl. Mae gwasanaeth Aberystwyth yn rhedeg tua bob dwy awr. Am fwy o fanylion ewch i http://www.nationalrail.co.uk
Mae yna hefyd wasanaethau coetsys rheolaidd – gwelwch https://www.checkmybus.co.uk/aberystwyth
Y meysydd awyr agosaf yw:
Caerdydd (2.5 awr)
Birmingham International (2.5 awr) gyda chysylltiad uniongyrchol o’r orsaf reilffordd ag Aberystwyth.
Manceinion (3 awr)
Meysydd Awyr Llundain (5 awr)
Os hoffech wirio unrhyw faterion mynediad cyn i chi ymweld â Chanolfan y Celfyddydau, ffoniwch 01970 622882. Mae parcio wedi’i gadw wrth ymyl y brif fynedfa ar gyfer gyrwyr sydd â symudiad cyfyngedig. Mae dau le hefyd ar gael yng nghefn y theatr, gyda mynediad gwastad i’r prif gyntedd.
Mae mynediad i gadeiriau olwyn ar gael i’r holl awditoria a lleoedd gweithdy yn y lleoliad. Mae mynediad ar lefel y ddaear i’r prif gyntedd a swyddfa docynnau, gyda lifft i gyntedd y theatr a thrwy lifft grisiau i lawr i’r lefel is. Croesewir cŵn tywys a chŵn cymorth. Mae cyfleusterau toiled yn hygyrch ar bob lefel ac eithrio’r cyntedd isaf.
Gweler mwy: https://www.aberystwythartscentre.co.uk/cy/cyfleusterau-anabl
LLETY AR GYFER YR ŴYL YM MHRIFYSGOL ABERYSTWYTH
Mae Prifysgol Aberystwyth yn cynnig ychydig o lety yn ystod yr ŵyl 2023. I archebu lle ewch i https://bookaccommodation.aber.ac.uk/?l=cy-GB a defnyddio’r cod hyrwyddo ICF2023.
Dylid cyfeirio unrhyw ymholiadau llety at Swyddfa Gynhadledd y Brifysgol y gellir cysylltu â hwy drwy e-bost yn constaff@aber.ac.uk neu ffonio 01970 621 960.
LLETY YN ABERYSTYWTH AC YN YR ARDAL
Am wybodaeth am westai lleol ac opsiynau Gwely a Brecwast, cysylltwch â Swyddfa Groeso Aberystwyth drwy ffonio 01970 612125 neu ewch i’r wefan yma: Gwestai a Llety Aberystwyth
Beth am ymestyn eich arhosiad a gweld beth arall sydd gan Aberystwyth a Chanolbarth Cymru i’w gynnig? Cliciwch yma am fwy o wybodaeth: Croeso Cymru
Os oes gennych gwestiwn, sylwadau, neu eisiau dweud helo!
© Yr Ŵyl Rhyngwladol Serameg 2023 all rights reserved.
